而家除咗立興之外，鵬鵬同飛翔都開始出名，呢兩間價錢平少少，不過好似話選擇冇咁多，最重要係佢地冇賣過大禮籃！香港最平都要＄388，立興賣238人仔，計落都平成九十蚊，加埋其他林嬏嘢就差幾舊水啦！！所以上去行一轉，食埋飯，當係weekend嘅一個節目，幾GOOD吖！
我地慣例喺皇崗打的去（但其實羅湖會近少少），三十蚊，如果撘地鐵只係三個站，不過要行幾條街喎！咪攪！！
去到寶安北路，成條街都賣晒過年嘢，好有氣氛呀！！
我地本身去第一分店，即係文具批發市場最多人去嗰間，去到佢地話帶我地去新鋪，今年先開所以冇咩人知，好寬敞好舒服，唔使同人迫！D嘢又好齊整，店員一路帶住我地行逐樣執，揀啱佢就放入籃落單，基上係唔會買漏嘢！
好多喜字貼好靚呀！由幾蚊到十幾蚊都有！絨布嘅都有分唔同級數，！
開頭仲諗住冇咩買，五六百蚊都攪掂，點知最後都買咗RMB720，店員都唔肯減價，之前有bloggers話要逐樣講價嘛，佢直頭唔啋我囉，次次都話佢地已經係最平，到最後埋大數先平得七蚊雞！同埋送咗兩包利是封同mini喜字貼，孤寒到呢！！
下面就係佢地張新咭片，多咗第一行“總店”！
我本身諗住叫佢速遞過黎, 爭少少就訂左(因為立興應該係叫最抵)~好彩我媽咪早2日同我講"過大禮唔洗椰子果d啦, 咁麻煩! 咁要4樣海味, 2打西餅, 2盒唐餅算啦~" 我聽到超開心! 可以勁簡單~我自己話加d生果, 佢話"咁仲好啦~" 好彩我家姐早我d結婚, 令我做少好多!!!!!!!yeah~
回覆刪除[版主回覆01/09/2013 11:12:45]哈！我媽咪同你媽咪嘅諗法完全一樣呀！係男家嗰邊要咋，所以都係避唔到！>,<
我想問呢. 咁樣上去一轉. 計哂所有野其實同香港比. 會平幾多架?
回覆刪除因為早幾年我又係同家姐咁樣上去. 結果累到我嘔呀.
所以我諗緊我如果在香港買會唔會貴好多. 如果唔會既我都係在香港買算 >_<
[版主回覆01/10/2013 13:49:25]大約40蚊快遞費，都唔貴呀！
[Sugar回覆01/10/2013 13:31:26]立興有網購咁好架. 但運費係咪好貴架.
[版主回覆01/10/2013 12:22:35]其實好睇你買幾多嘢，樣樣濕濕碎碎加埋都差幾百蚊，如果你唔想返大陸可以上網買呀，立興有網購
又攪掂一樣
回覆刪除[版主回覆01/10/2013 12:22:30]嘻嘻！跟住要攪張帖，有排煩呀！！
咁就七百幾蚊人仔!!好彩我哋嗰時小攪,金都$250攪掂
回覆刪除[版主回覆01/11/2013 20:54:49]唉...後面D濕碎嘢先"金"呀!唔覺唔覺又使一筆...
我都唔知上唔上去買好~乜都未買呀>.<
回覆刪除又驚返大陸始終有啲危險...
[版主回覆01/17/2013 17:49:18]其實大陸都冇咩危險啦，自己小心D就得！
不過如果唔係好多嘢買咪HK買或者淘寶囉！我要買埋個大禮籃要椰子先上去買咋！
係荀崗買野係平既, 但要搬餐死......
回覆刪除我過大禮都好求其, 感恩既係媽咪唔需要咁多野....令到我唔使使咁多錢~
[版主回覆01/17/2013 17:50:22]而家加咗價啦！不過都係比HK平嘅！我地買咗兩大袋，冇拖喼都OK呀！
我媽咪都冇要求，係男家嗰邊麻煩咋。。。
哎呀睇到我好想快D去掃貨呀
回覆刪除[版主回覆01/29/2013 16:31:17]你有排啦！唔使咁早買，我放到成間房爆晒阻住晒！=.=