喺秋子訂完花球就趕過去試姊妹裙，book咗七點半，點知佢mark錯咗七點，我地又遲到，攪到七點半，八點，八點半嘅客全部撞埋一齊！間鋪好細冷氣唔多夠，不過大家都唔介意嘅，鬼叫佢好生意咩！我見嚟拎裙D女仔都好滿意呀！雖然咁多人迫埋一齊，但個姐姐都仲好好servise好nice！讚！！
姊妹們都偏向中意長裙，方便做嘢嘛！我自己都好中意長裙呀，靚D elegant D，可惜我做咗咁多次姊妹都冇著過長裙呢。。。顏色就梗係開心黃啦，款式要一樣（因為係優惠價），最緊要係有肩帶，安全D冇咁易走光嘛！去相先！！
1. 一見到呢條就覺得好靚，胸前嘅碎花幾別緻，著上身都好高貴吖！
2. 呢款比較簡單，實物靚D，但著咗上身冇預期咁好睇！
3. 下身兩邊有泡泡，之前見過好中意，點知原來會著到好肥，唔夠slim嘅姊妹真係咪試！呢個款因為手工多D仲要加錢添！！
4. 呢款本身包埋石，高貴好多呀！可惜冇帶呢！
最後大熱勝出，全部揀晒第一條，有眼光呢！不過有個問題，因為胸前D碎花係漂染嘅，好大機會同條裙嘅紗唔同色，就好似下面張相咁，個姐姐開單前同我地講明，比埋版我睇，怕到時出嚟唔係我地預期嘅效果就麻煩啦！我反而覺得唔同色有D層次仲GOOD喎！
伴娘試咗兩條咋，因為我嘅伴娘冇咩所謂又爽快！！
1. 成條裙都有閃片幾SHARP，如果唔要嗰幾條珠鏈或者只係得一兩條OR細條D會好D，而家好似too much啦！（我諗應該可以改嘅）
2. 前短後長仲有埋閃石，啱晒我伴娘嘅要求！因為佢想SHOW美腿，但如果姊妹著長裙伴娘著短裙好似有D怪，同埋冇咁grant嘛，呢款前短後長就啱晒啦！！伴娘揀咗上面嗰隻粉紅色！
Inezitar 嘅紗料真係幾靚幾滑，連底裙都係用色丁靚料！揀完面紗嘅顏色佢仲會幫你配襯埋底裙嘅色，因為底裙嘅色都會影响到成條裙嘅顏色呀！！好似我揀黃色裙，如果底裙用埋黃色就會好SHARP，如果用白色或米色底就會淡D soft D，出嚟感覺會唔同咗！佢地而家做緊優惠，落單時付全數就有九折，折咗短裙＄270，長裙＄315，包雪紡披肩，包改，相集內嘅款式可自由配搭及轉色！平靚正！！
姊妹裙個款好好呀, 之前見到嗰啲都係類似但花花少啲, 多啲花花好睇好多~~
回覆刪除[版主回覆11/05/2012 11:51:52]係呀，出面好多都係一朵朵玫瑰咁，呢間都有不過我地冇試，呢隻碎花靚好多！^^
我啲姐妹都係揀左呢個款！！好岩！
回覆刪除[版主回覆11/05/2012 11:52:21]Good choice!!呢款真係好靚吖！同埋出面少見D！
條姊妹裙好靚~~高貴大方~又穩陣~~
回覆刪除[版主回覆11/05/2012 11:52:55]係呀！我自己都好中意！希望姊妹們都著得靚靚啦！^^
白色果條好靚!!! 讚呀~~~~~~~~
回覆刪除[版主回覆11/05/2012 11:53:38]多謝！唔知轉咗黃色會唔會仲靚呢！hehee...
條姊妹裙好靚
回覆刪除比起出面d花花, 呢間整得靚好多~
[版主回覆11/05/2012 13:41:30]係吖，同埋價錢都算抵！
條姐妹裙靚呀~~~我都好鐘意長裙~
回覆刪除[版主回覆11/05/2012 17:23:32]係啦！長裙靚好多，可惜我冇機會著。。。
give me 5
回覆刪除same as my choice!!!! yeah!
[版主回覆11/06/2012 14:00:17]yeah yeah yeah!!^^
我都開始睇緊呢個項目, 想問吓伴娘裙係咪最好同姊妹裙唔同款架?
回覆刪除[版主回覆11/09/2012 15:28:37]通常都唔同款，或者同款唔同色，唔係點知邊個係伴娘噃，不過而家都有人全部一樣，冇分伴娘姊妹嘅
yeah.....姊妹裙勁靚
回覆刪除[版主回覆11/14/2012 16:11:08]班姊妹仲靚！！
好嘢有靚裙著
回覆刪除[版主回覆11/14/2012 16:11:42]你就好啦！羡慕屎人！！
個款好靚呀!! 唔知而家仲有無折呢~& 買得3-4條係咪都有折呢~
回覆刪除等我即刻打去問下先~
[版主回覆11/19/2012 18:30:22]要5條以上比晒全數先有呀，3﹣4條應該唔得喇...