我開頭仲以為可以試20件，原來係10咋，不過原來10件都好多，我揀咗8件已經揀唔到喇！唔係佢地D衫唔靚，而係好多款同顏色我都唔中意，去到邊度都一樣，泡泡層層公主款deep V唔要，紫色藍色綠色啡色粉紅色又唔要，咁諗吓淨返落嚟仲有幾多嘢可以揀！？冇計啦！我又怕麻煩又有嚴重選擇困難症，所以為咗慳時間同為免自己揀到發脾氣，咪唯有唔比自己揀咁多囉！
席前：最初中意誇張款，一生人一次梗係有咁誇得咁誇啦！不過試過咁多晚裝婚紗，又影完pre-wedding，漸漸想揾返D簡單D嘅款，簡單得嚟有D特別有D detail位，襟睇D過多幾年都唔會覺得out！
1) 一開波就梗係揀我最中意嘅開心黃啦！呢個黃色真係勁靚勁sharp勁開心！呢款上身比較清，只係腰間有D閃石點綴，排石啱啱包住條腰，睇落條腰會幼D，裙身好重層次感！不過因為太多層，條裙勁重！
D閃石現場睇梗係閃D啦，但又唔會太誇張，下身D層層都做得幾靚好有質感！（唔該唔好睇我D鬼鼠肉）
2) 第二件係呢件淡黃色紗裙，心型胸（勉強都叫著到啦），落細鋼紗感覺唔會太公主，cutting著得幾slim
前面D閃石珠珠同立體碎花唔會太誇張，做得都幾detail添！
3) 呢件係同款灰色，著出嚟比淡黃色仲sharp，仲閃！意然有D叮叮叮嘅感覺！雖然D立體花花變咗做粉紅色（我最憎！），不過望落又幾順眼喎！可惜影相效果好似差少少，唔夠現場睇咁sharp！
呢件D花花比黃色嗰件做得仲靚！真係非常別緻！我本身唔中意咁多釘工，但呢件真係好靚好特別呀！
4) 佢地知我想揾直身紗款，就比咗呢件我試，我嫌個款簡單得咗D，深紫紅色太成熟唔得！佢地話遲D會有隻新色返但未知係咩色，唔知會唔會係黃色呢！？
敬酒：鮮紅色，西式晚裝款中式pattern，或者旗袍款
5) 呢係shocking pink旗袍睇相時係個鬼妹model著，好sharp好特別，點知我都未著上身只係睇咗實物，已經覺得好有青樓女子FEEL！同埋件衫都幾舊！
大露背加咗幾串珠鍊，so sexy！但唔係人人接受到囉！
6) 呢件就係我中意嗰類中式pattern晚裝（前面嗰三條珠鍊唔要吖唔該！）出面見到好多間都有中式pattern晚裝，都係紅色底加金色或藍色花嗰隻，間間都係咁上下，你抄我我抄你！反而呢件簡單得嚟又幾特別！
7) 呢件shocking pink cutting幾靚，係我最唔中意嘅娟面，但呢件我又接受到喎！最緊要係唔會著到凸肚腩！呢件係幾靚但又冇乜特別咁囉，佢仲有一件鮮紅色，敬酒可能著返鮮紅色會好D！
後面少少拖尾，如果嫌唔方便有個手指圈可以拎高條裙
送客：高貴大方，但唔好太成熟
8) 呢件nude色好elegant！Cutting都好正好slim！因為呢件上手剪咗個pat，加返上去會好睇好多！
後面又係少少拖尾，裙身D閃石一串一串落到裙尾，好高貴呀！不過呢個色唔知會唔會dry得滯，送客咁多人，到時可能冇人見到你！
9) 我個list入面係排除咗紫色嘅，我唔係唔中意紫色（亦唔係特別中意），只係紫色太多人揀，同埋紫色其實我蝦人著！淺紫會好娘，深紫會好沉，紫紅會好老．．．但呢件我喺Expo見到model著住行catwalk已經覺得好靚好sharp！因為佢全條裙都好閃，魚尾cutting好靚，嗰條披亦係精綷所在（雖然有人會覺得多咗！）
拎住塊嘢唔知做乜勁低能！
10) 呢件係第一次trial時試過嘅，幻彩色好sharp，不過硬係覺得好似伴娘裙多D！
其實最初係為咗一件深紫啡色嘅前短後長晚裝先join Perfection，但因為型得滯唔係人人接受到（梗係話男家嗰邊啦！），都唔知席前定送客著好，所以最終都係冇揀返佢，咁啱我揀衫呢日條裙又出咗行，無緣啦！相都冇得睇添！而家hold咗三件for席前／敬酒／送客，但越諗越唔對路，有D後悔想再揀過，選擇困難症又發作，個心打緊交囉囉戀．．．點算？？？可唔可以話我知你地有咩心水？
Perfection 唯美主義
尖沙咀女金巴利道60號C地下
Tel: 34212408
請各位Bloggers自重，不要COPY或公開我D相，多謝！！
我覺得灰粉紅釘工0個係超靚！會唔會考慮用黎送客？~
回覆刪除[KTBB回覆06/05/2012 01:50:17]都唔會唔夠SHARPge，我自己覺得搵席前衫唔難，要搵一件有野睇又夠靚ge送客衫就難d，所以呢件幾match呢個要求..... (我自己覺得)
[版主回覆06/04/2012 19:36:41]灰色嗰件我超中意呀！其實我諗住席前著，不過又驚唔夠sharp！
我仲未join呀,諗住都係影完pre-wedding返黎先決定~之前都係睇中左佢架,因為鍾意佢夠閃~
回覆刪除[版主回覆06/04/2012 19:40:05]都好吖，影prewedding又可以試吓唔同款嘅衫！希望你影得靚靚吖！
席前晚裝係爆光率最高的, 我覺得第一件影相最 sharp呢 :D
回覆刪除同埋你著旗袍款好好睇呀, 又高又 slim, 有冇諗過敬酒著旗袍呀?! 我都想著旗袍, 不過我好婑, 唔知可唔可以 carry 到!!
Btw, 想問下 3 EG 租幾 $ 呀?
[版主回覆06/04/2012 19:43:41]其實第一件黃色同第三件灰色我都中意，黃色開心ｄ灰色特別ｄ！好難揀呀！
我其實都唔高，只係有少少假高同埋著咗高踭鞋！細細粒著旗袍都好睇呀！亞洲人都係婑啦，我覺得反而太高先著得奇怪，你可以試吓吖！
灰色同nude色果2件好靚, 不過我覺得如果揀是但一件好啦~差唔多feel咁~我個人鐘意nude色, 感覺高貴d, 簡得得黎夠大體呀~
回覆刪除[版主回覆06/04/2012 21:10:26]就係囉！呢兩件我都好中意，但佢地又唔可以並存．．．你嘅睇法同我完全一樣！！
喂喂, 我都有試第一件黃色呀~~~
回覆刪除但我試0個件隻黃色無咁sharp 架, 佢話有件 sharp 黃出左街, 應該係你試呢件呀! 你著得靚我好多, 我一試上身就out 左啦!!!
另外, 我好like 灰銀+紅色0個件, 呢件如果唔係我朋友都hold 左, 我都會揀呀~~~
仲有, 你最憎的紛紅色我反而最鐘意呀, 哈哈~
by the way, 你真係fit 爆, 睇完你呢相, 覺得自己肥到嘔
[版主回覆06/04/2012 23:52:38]Aiya...冇肉點托呀！唯有安慰自己骨感美啦！
[MARI_小欣回覆06/04/2012 23:48:36]胸前無肉呢家野, 無問題架....可以托托托
[版主回覆06/04/2012 21:22:57]咁我地應該唔會揀埋一樣款啦！哈！
我要增肥少少，因為有先天性缺憾．．．胸前冇肉．．．=_='
nude 色席前/灰+粉紅（我自己會選nude，因為我唔like粉紅花），紫色敬酒，黃色送客
回覆刪除[版主回覆06/04/2012 21:24:46]Nude色喺台上好似唔夠sharp，影相效果又唔出，所以比細妹ban了！
我覺得第一件黃色席前,灰色+粉紅花做送客
回覆刪除[版主回覆06/04/2012 21:27:52]又可以諗吓喎！多謝！^^
3真係一定要揀! 9送客啦, 敬酒就...其實條條紅色都係一般!
回覆刪除[版主回覆06/04/2012 21:25:49]其實我真係好中意nude色嗰條．．．越睇越like!!
灰色個件好靚呀!
回覆刪除[版主回覆06/04/2012 21:28:24]係吖！我都覺！^^
嘩！你好瘦着得好靚呀^^
回覆刪除[版主回覆06/04/2012 23:30:42]其實我一ｄ都唔瘦，好多鬼鼠肉呀！！
我鍾意3）~個款比較特別，出面較少見到~ 同埋8）~個款好高貴呀，反而我麻麻地1）~因為我覺得下面d一層層有d亂呀~
回覆刪除[版主回覆06/05/2012 17:48:07]我都係最中意3呀！可惜8又係咁淺色好似差唔多style咁，所以放棄了。。。
3上台, 1敬酒, 9送客
回覆刪除- 我覺得如果真係身型細粒既唔好著太nude/淺既色, 真係好似睇你唔到咁咖
- 中/大魚尾呢d 款真係好蝦人著，難得著得好睇既我覺得可以揀，反正送客時係企響度都唔洗行黎行去，唔驚論盡嘛
[版主回覆06/06/2012 14:20:40]聽你咁講又啱喎！咁我可能揀黃色敬酒，黃色襯金器都GOOD吖！Hehee...
[貓貓回覆06/06/2012 09:15:06]都唔一定敬酒要紅色既, 都有人著金/桃紅/其他
我見你話自己最鍾意係黃色, 咁1 果件你又著得靚
最緊要都係睇自己鍾意啦, final fit真係再試真d影多幾張相望下
[版主回覆06/05/2012 17:46:30]其實我都係hold咗3上台＋9送客，敬酒個個都著紅色嘛，不過幾件紅色都唔係最滿意，final trial要再揀過！
D姐姐仔教晚裝要由淺色著起...因為妝深好難轉番淺喎!!
回覆刪除3號~用黎迎賓唔錯呀, 花花的確好突出~但係我就覺得黃色sharp D, 精神D!!
6號~敬酒時襯番D金器一流呢!!
9號~送客, 魚尾款高貴~唔係人人著到, 你著得好靚呢!!
[版主回覆06/06/2012 14:17:26]由淺色著起有point喎！我都冇諗到添！終於有人支持6號啦！哈哈！
我都覺得3號好靚丫...^^
回覆刪除9號都係我心水既紫色..
你真係好slim...著咩好睇^^
[版主回覆06/07/2012 14:47:03]哈哈！我本身都想話你又咁懶唔update，加油呀！！
[紫****回覆06/07/2012 00:04:29]我本身骨架大...著咩都唔好睇咁= =...
BTW..我都會開始努力寫返BLOG了...^-^
[版主回覆06/06/2012 14:30:05]Slim得嚟冇身材嘛，自己知自己事啦。。。
我都腳得NUDE 靚
回覆刪除[版主回覆06/07/2012 22:51:44]Nude色又靚又高貴呀, 不過dry咗dd囉...
1, 4, 8, 9都好靘呀, 1好有vera wang style!
回覆刪除[mssharon回覆06/07/2012 23:53:35]不過條裙好grand隻黃色又靚，壓到埸！
[版主回覆06/07/2012 22:52:56]哈哈! #1擺明係抄款啦!!
個人覺得6, 7, 8搶眼特別得來又不會太誇張~~~ 6冇咗3條珠鍊一定好好多, 7如果係紅色應該仲靚, 8的顏色較淡但款式覺得最好~~~
回覆刪除[版主回覆06/12/2012 21:27:30]我睇法同你都差唔多呀！其實好中意6都係唔要珠錬，不過我hold咗7鮮紅色因為係新款，8又係勁LIKE但擔心dry咗D!
我想講....我原本都揀左#9, 但我返黎越睇越驚會唔襯我
回覆刪除T___T
搞到好心煩, 唔知仲轉唔轉款好!
[版主回覆09/03/2012 15:28:04]而家睇到啦！^^
[April回覆09/03/2012 13:02:28]之前Yahoo有問題, 我成日都關注唔到D blog友做"朋友"!!! 原來一直都未add, 而家應該得架啦~~!!!
((但我記得你之前好似睇到我D post ga wor..咁奇怪既!!))
[版主回覆09/03/2012 12:14:54]唔見你個POST嘅！？
我十二月或一月先去final confirm呀，希望遲D多D新款嘛！
[April回覆09/02/2012 01:05:27]我post左啦..
係wor..你幾時去final confirm ar? 係咪年尾先會再去?
[April回覆08/24/2012 22:59:35]我十月weddding, 所以基本上已經final confirm左架啦~~~ ><
我都想post, 睇下大家有咩意見, 不過仲未有時間
可能今個weekend la...^^ 到時你又俾人意見啦~
[版主回覆08/24/2012 12:01:09]到時final confirm再試再揀啦，唔見你POST相嘅！？
我揀咗3，7，9呀，不過7係紅色～