Day 6 琉森，獅子紀念碑，鐵力士雪山，布根地（法國）

上文提到我地已經到咗瑞士嘅Luzern，第二朝一覺瞓醒，喺酒店房望出去好好天呀！！正！去雪山咁好天一定好靚！！

去雪山前先去探吓隻垂死嘅獅子先！呢個就係喺琉森好出名嘅垂死嘅獅子像，係為紀念法國大革命時英勇殉職的瑞士僱傭兵，有人話佢係世界上最感動人嘅石像！

佢個樣又真係幾可憐。。。

睇完獅子又睇吓呢隻瑞士乳牛，路過見到啫！嘻嘻！


Old Swiss House - 好出名嘅餐廳！行過影張相算啦！趕住去雪山呀！！


好靚嘅建築物～


呢間餐廳嘅MENU連韓文同中文都有！勁呀！！


咁好天！點可以唔再去橋邊睇睇呀！嘩！真係不得了！冇諗過個傻瓜機都可以影到咁靚嘅相！！


靚靚合照，so sweet！！


問姨姨攞咗D麵包餵天鵝，佢地個口好大，好得意吖！！


越餵越鵝多！！

另一邊嘅風景一樣咁靚！！

影完靚相就出發去英格堡（Engelberg）嘅鐵力士峰（Mount Titlis），諗返第一次去雪山係中四嗰陣，講吓又咁多年啦！嗰次仲落雪添呀！又濕又凍！！今次咁好天唔落雪就正啦！又舒服影相又靚，仲有老公喺度添！！

售票處 ～



入口～

上去鐵力士雪山要坐三種唔同嘅交通工具，真係長途跋涉呢！！第一種係呢隻普通吊車，坐可6個人，感覺幾穏陣唔會搖吓搖吓！話晒瑞士D鋼咁堅，應該好安全嘅！如果昂平360嘅吊車都用瑞士人瑞士料造就冇咁易出事啦！話時話，我一次都未坐過！


喺吊車望返落地面好靚呀！好大個湖好多白色屋仔！！


去到一半會先停一個站，比D滑雪友落車去滑雪嘛！我地當然上到最頂先落啦！

要轉車喇！呢度有好多小朋友學滑雪，雖然係學緊，不過都幾叻吓呀！呢 D咁體力勞動嘅嘢唔多啱我！試過一次就怕怕！嘻嘻！！

第二種交通工具係大型吊車！都真係幾大呀！坐到80人咁你話大唔大吖！！

最後一種係世界首創嘅旋轉登山纜車，每程都會旋轉360度一圈，四邊嘅風景都可以睇晒！！

終於上到嚟啦！！OMG。。。靚到唔識形容添！！咁大個女都未見過咁靚嘅景色！好似置身於雲海中，一望無際，遠處見到嘅都唔知係雲定係海～


腳下一片雪地，遠望又係連綿不斷嘅雪山，都唔知呢度究竟有幾多個山峰～

就算用panorama都影唔晒咁壯觀嘅景色！！導遊話右邊遠遠對住我地嘅就係另一個好出名嘅雪山 ﹣ 少女峰！不過比D雲遮住晒睇得唔係好清楚！
少女峰仲高過鐵力士峰，係就係威D，不過咁高好可能會有高山症，同埋越高就越大霧未必睇得清楚個景啦！我都係覺得鐵力士峰好D，哈哈！！

好多人滑雪呀！喺山頂滑落去，超高級組喎！！！無眼睇！驚驚～

既然嚟到雪山之癲，就等我同你一決高下啦！！

打和！WIN WIN！！


唔好以為攬到咁實好sweet！其實係凍到傻咗！！超勁大風超勁凍，我又唔記得帶手套！蠢！！


盡地一鋪！點都要瞓吓雪地！！


YEAH！成功了！！


本來想行埋上上面影相，點知。。。

我已經頂唔順凍到踎咗喺度，投降啦！！！


Lunch time！即刻lay入返室內先！間餐廳環境唔錯，感覺好舒服好清新！


對住白矇矇嘅雪山開餐，浪漫到呢！！


雞翼（唔係瑞士味係亞洲味），香腸，魚柳，炒粉絲等等，雖然係亞洲風味，不過味道都幾好！隔離枱食芝士火煱香到吖，哼！好彩我已經食飽佢地先食！！

又要嘆返杯瑞士啤酒！呵呵！！


食飽飽玩多陣就走啦！睇吓成個雪地都係滑雪印，呢度D人滑雪真係好癲！有成隊人玩花式添呀！！


落返山見到有明信片賣，寄返張返香港比媽咪先！咁大個女第一次寄明信片咋！細個成日覺得明信片D相係假嘅，現實邊有咁靚吖！點知原來真係有喎！真係靚到你唔信呀！！

兩張連埋郵費EUR5.XX（不過最後我返到香港張明信片都未寄到，激死！！）


玩飽食飽又要撘車去下一站啦！山下嘅風景都好靚呀，條河凍到結咗冰，變咗冰河！！

如果可以住喺呢D apartment幾正呢！日頭嘆住杯熱咖啡坐喺露台睇雪，夜晚嘆住杯wine又坐喺露台睇雪，人生一大樂事！爽呀！！


唔好發夢住，要起程去Burgundy啦，Burgundy位於法國東南部，盛產紅酒，不過我地今次只係途經此地住一晚啫，並唔係去飲紅酒！

見到呢幾個蒙古包，仲有旁邊兩支瑞士國旗同法國國旗，就知我地已經到咗瑞士同法國嘅邊界啦！！聽日就去Paris囉，HOHOO！！

到咗酒店已經係晚飯時間喇，行過LOBBY見有部X-Box放咗喺度任打！呢兩個鬼仔由企喺度打變咗坐喺地下打，唔知陣間會唔會瞓喺度打呢！？？


酒吧有波睇～


紫色嘅餐廳都幾靚吖！


睇吓有乜食先！個沙律好苦。。。


法國蝸牛，勁好味呀！又肥又中隻！！食完想再encore添呀！！


Main dishes個豬柳好淋，個汁好好味，D薯粒粒好脆！！GOOD！


等我滿心歡喜以為有cheese cake食，原來係lemon pie咋！好鬼酸！！


又完成一日嘅行程啦！瑞士真係好靚好令人回味，值得一去再去！聽日去巴黎好期待喔！！