Day 4 威尼斯，茵斯布魯克（奧地利）

今日坐船仔去水都威尼斯（Venice）！隻船冇乜特別，係咁易影返張相留個念啦！

船上嘅風景都唔錯呀！可惜天色麻麻！！

呢間係酒店，好似好大好靚咁！

又係教堂～


走去船尾霸個靚位先！！


落船啦！BYE BYE！！


碼頭有好多海鷗呀！！

熊抱合照！好鬼凍呀！！

威尼斯通街都係呢D鐵架，落雨時好容易水浸，將呢D鐵架排成條橋咁喺上面行，好想試吓呢！可惜今日冇落雨吖！！

威尼斯冇想像中咁靚，我覺得威尼斯人靚D！哈哈！！可能天色唔好所以睇落好似好舊咁！

喺度對住個海High Tea都幾正！不過時間尚早好多鋪頭都未開！

騎士像～

杜奇皇宮（總督府），靚！

水牢（監獄）～

聖馬可廣場，好有特色吖！

灰灰的天。。。如果換轉係藍天白雲一定好好好靚啦！！


鐘樓～


有個uncle問個鐘上面嘅係咪十二生肖，歐洲係西方國家又何來十二生肖呢？？？笑屎我！！

聖馬可教堂，好多人排隊所以冇入去！另一邊維修緊。。。


威尼斯嘅標誌 - 聖馬克飛獅


教堂外牆上嘅畫像～


好出名嘅嘆息橋，犯人被判刑後就會由左邊嘅法院行過呢條橋去右邊嘅水牢（監獄），由橋上嘅小窗望出去嘆息，因此得名！

小型斜塔，都幾斜喎！！


貢多拉（Gondola），一隻最多坐6個人，EUR150，即係大約HKD250/ head，其實唔貴，不過好似好悶所以我冇坐！

豪華版貢多拉，我想坐呢隻！！


唔坐貢多拉就週圍行吓啦，D小街好窄好得意！

行咗入入面街都仲有好多鋪頭，呢間有好多面具賣呀！

大陸絲帕！？？


威尼斯嘅玻璃都好出名，不過有真有假唔識分！！


好似泰國嗰D，不過呢度貴好多！！


香煙自動售賣機，唔知點解令我諗起細個喺戲院門口見到嗰D磅重機！

有外國人喺度寫生，好寫意呀！！


教堂＋意大利國旗

唔知D水飲唔飲得呢！？


好多街頭藝術家，個個都帶面具，綠色嗰個其實係男人！（我睇住佢換衫！）


賣手信嘅檔攤，威尼斯D嘢好貴呢！同一條圍裙我地喺羅馬買EUR5，呢度要EUR10，貴咗足足一倍！搶錢咩！！

行到攰攰地坐低飲返杯先！

開飯啦！間餐廳好別緻吖！

喺士多買嘅紙盒裝紅白酒，EUR1，抵到吖！早知買多幾包返香港做手信啦！！

個雜菜湯雜到呢。。。得渣冇湯囉。。。


呢個墨汁意粉係我食過最好食嘅！真係超香墨魚味！！YUMMY！！

一D都唔鮮嘅炸海鮮，哈哈！炸墨魚圈好食！

食飽飽D人先開工，歐洲人真係懶到呢。。。


個天靚返D啦！不過我地要走lu！！要坐4個半鐘頭車去奧地利，OMG。。。


訓醒一覺！開始見到雪景喇！！

好多雪呢～


到咗夜晚，終於嚟到茵斯布魯克（Innsbruck）- 一個寧靜美麗嘅小鎮
 

黃金屋頂，夜麻麻睇冇咩特別！

海爾布陵屋～


鐘樓～


流動腸仔檔，又凍又落雨，食條腸仔暖吓胃先啦！咦。。。咸到苦呢。。。


七點幾咋，條大街都靜英英！返酒店食飯啦！

福麵味嘅咸湯。。。我想飲碗正常西湯呀唔該！！！

好軟滑好好味嘅意大利雲吞！


好一般嘅雞飯～

我最憎嘅士多啤梨味。。。BYE BYE！！