Day 5 施華洛世奇水晶世界，華多茲（列支敦士登），琉森（瑞士）

今日仍然喺奧地利嘅茵斯布魯克，一出酒店門口就見到好大坐雪山呢！好興奮呀！！


第一站係去睇天鵝 ～ 參觀施華洛世奇水晶世界（Swarovski Crystal World）～

入口有一大片草原，感覺好清新呀！！

呢個流口水嘅伯伯就係入口啦！！入場費好似係EUR11，都唔平呀！（不過幾多嘢睇，陣間你就知！！）


YES TO ALL！！好bling bling呀！！


水晶世界內有好多個展覽館，入面放有好多唔同嘅水晶擺設～

世界上最大粒嘅水晶！300,000 Carat！！！嚇屎人咩！！？

呢幅水晶牆好靚吖，行過地下仲會有水晶圖畫出現添！！


Bling Bling人頭獅身像～


如果真係可以坐住咁大舊水晶就發啦！！


水晶金字塔～


水晶建築～


呢間圓型房，牆同頂都係水晶，好鬼迷幻，仲會變色添！靚！！


月亮同太陽喺水晶下起舞，好浪漫喔！！


好有型嘅裝置藝術～


變色水母～


沿住通道行完所有展館，就會到達購物天堂啦！呢度D擺設都好靚呢！！

倒吊Bling Bling人！COOL～唔買嘢周圍行吓睇吓都唔會悶！


撞鬼！連個廁所都靚同閃過人！！



Shopping完就出發去列支敦士登（Liechtenstein）啦！都要坐成兩個鐘頭車！睇波嘅人應該會聽過呢個地方，我就梗唔識啦！！列支敦士登係喺瑞士同奧地利之間嘅一個小國，郵票好出名好靚同好貴！呢度雖然人少少，不過D人好鬼有錢！！

華多茲（Vaduz）嘅市集 ～ 華多茲係列支敦士登嘅首都


列支敦士登美術館～


黃色電話亭，LIKE！


成座嘢都係賣名牌裱！我冇錢買！！


山上嘅城堡～


假嘅城堡～


行完一輪又開飯！等咗幾日，終於飲到一碗好好味嘅西湯 ～ 南瓜湯！！

忌廉火腿磨菇薯蓉盒（個名我作嘅！），好脆好好味！


忌廉豬扒通粉，個汁唔錯，不過D通粉唔放湯好古怪，食唔慣！


甜品係燉蛋，都OK啦！咁梗係冇義順嗰D咁正，講起都想食添！！


食飽飽出嚟又見到個雪山喇！坐多個幾鐘車就到瑞士啦！YEAH！！



嚟到瑞士喇，好似被D雪山包圍住咁！！

琉森（Luzern）～ 一個擁有湖光山色，風景如畫嘅小城！

左邊係新城區，右邊係舊城區，只係一湖之隔！

琉森嘅車站～


必到景點 ～ Rolex專門店！除咗Rolex外，你up得出嘅名牌裱都有！！

Credit Suisse～


好多好靚嘅建築物，我最中意！


又係露天茶座，正！！


Candy Shop ～ 勁多款同勁貴！！

呢度D人中意用單車拖BB車，好攪笑！！好似小型人力車！！


好有特色嘅卡貝爾木橋（教堂橋）～ 


橋內橋外一樣咁靚！！


D水流到好似個瀑布仔咁！

行行吓開始天黑喇！我地差D蕩失路，喺街問人路，真係唔係個個識英文，後尾我揾咗個西裝友講流利英文！好彩！！


返到酒店食飯啦！我地住間酒店好靚，喺正車站隔離勁方便！！


酒店嘅餐廳都好別緻呀！

沙律好新鮮！


煎魚柳，正呀！！


Chocolate ice-cream! Nice!!


食飽飽上去酒店頂樓嘅酒吧睇吓先！室內好多人FULL咗，我地上咗天台，雖然好凍，不過個view好正呀！！望到對岸嘅夜景，有教堂，木橋，郵輪，歐式建築，同香港個FEEL完全唔同！好特別吖！！

嘆返杯Bailey's暖吓胃先！


飲完一round仲唔夠，返到房仲要開理支whiskey！！當然唔係飲晒啦！


又睇吓今日有乜戰利品先！