Free HK Pre-wedding

經blogger Yen介，終於可以有一輯free嘅HK pre-wedding啦！YEAH！

其實一直都好想影中環夜景，之前嗰兩輯又冇影過海灘，不過包包一開始已經堅持唔喺香港影，所以無望啦！今次唔使錢，就唔到佢say No！哈哈！！

呢輯相係12月頭影嘅，咁啱約咗嗰pair人放飛機，我地先後補頂上！因為細妹有齊婚紗晚裝，所以即使只有幾日時間準備我都OK！影完一個月先有相，仲包埋執廿幾張相添！免費嘅都好有誠意呀！！

化妝師Louie晨早九點已經嚟到我屋企（我仲未起身），佢好nice呀，又靚女又細心又有heart！佢話學咗化妝半年，但我覺得佢化得真係好OK喎，完全唔似咁新囉！

第一站 ﹣ 赤柱
攝影師喺度測光試位，我地喺度吹水，師妝師最辛苦＋落力！幫我揚起個裙尾跟住即刻彈開，來來回回都做咗好幾次！仲要每影完一個位即刻拎返件褸比我，怕我冷親呀！幾體貼！！ 

呢張我好中意呀！好sweet呢！！

呢D咁CUTE＋老土完全唔係我style，不過試吓都唔錯吖！

我地爬咗上石“博”度坐咗好耐，攝影師喺下面影，我地又係吹水吹水＋吹水！！

我嘅至愛 ﹣ 雪糕車！

中途休息嘆返杯雪糕先！！

第二站 ﹣ 赤柱海灘
著高踭鞋爬上呢個石灘真係有D難度，驚驚。。。

攝影師叫我地行沙灘，佢就一路影，我地又係KEEP住吹水，唔知點解咁鬼多嘢吹！

唔覺唔覺包包差D行咗落D水度，嚇到佢即刻彈返過嚟，笑屎我！！

攝影師好鬼多IDEA，又叫我地喺海灘上面畫心心，呢D嘢真係考起我地！畫咗個桃出嚟！

呢張執完相出嚟效果好靚，我地又好sweet，會曬個相架放喺Candy Corner！

呢張相分咗四次影，包包好低能呀！做LOVE字母都唔識！！


第三站 ﹣ 中環
影到四點幾就換衫補妝，然後撘的士出中環影夜景！
去到石板街，見到酒吧我梗係唔放過啦！叫包包入去問人比唔比影相，OK！點知攝影師測光測咗勁耐，攪到個waitress眼望望想行出嚟囉，之後仲有另一pair跟我地隊影呢個景添！

好中意呢張轉轉樓梯！又係玩咗好耐！助手喺下面打燈，攝影師喺上面影，化妝師上埋去抛花辮，我地企喺度等！因為有風，吹歪晒D花辮，最後要全袋一次過倒晒出嚟先做到呢個效果！影完仲要一齊執返D花辮，隨地抛垃圾要罰錢呀！！

終於影到我最想影嘅電車啦！仲要咁啱經過呢架好colorful好靚！！襯晒我條裙！！

呢個景好型呀！可惜影咗兩張我地個樣都未ready，唔知想點。。。

呢張見唔見到有D水珠效果呢！？係咪好浪漫？助手喺我後面係咁射水，射到我個背脊濕晒。。。

Last個造型影咗好少相咋，大家都應該攰啦，所以效果麻麻！

影咗成日十二點到九點，好攰呀！不過都唔夠佢地辛苦，唔收錢都咁落力！但係我地唔記得咗比利是佢地喔，真係唔好意思！！