BIG DAY之晚宴篇

忙咗成日，好快就嚟到晚宴部份啦！我就梗係忙住換衫換妝，兄弟姊妹幫手SET場攪DECO，包包咪掛住周圍HEA同影相囉！

Photo Corner ～ 有台灣PW嘅摩天輪，VISA咭愛的宣言，Y﹠K立體字母

Candy Corner ～ 有好好玩嘅夾糖機，Candy jars租返嚟自己加DECO，我之前整定D牌仔同絲帶，到時姊妹們幫手整上去就攪掂！

My Wedding Doll ～ Jack & Sally


DIY Table number card，帝廷D夾超樣衰超舊，唯有將D table card夾喺枱花上面！

好中意呢個席前造型，好多人都讚呢！嘻嘻！！仲有我個靚靚花球！

席前影相影到咁上下就切蛋糕啦，個蛋糕係帝廷送嘅，都好靚吖！唔使錢我覺得好OK呀，仲寫埋名同日子添！！

唔知點解切完蛋糕我地要YEAH呢！？ （低能。。。）


眨吓眼就到march-in啦！行嗰陣好驚踩到自己裙腳，好彩最後都冇事！

包包全程掛住揮手唔理我囉！！


上台切假蛋糕，呢個蛋糕好肉酸喔！


又估唔到All-back頭我都OK喎！呢次係生平第一次亦係唯一一次整All-back頭！！哈哈！！

世紀之吻 ～


最緊張嘅時刻到喇，我開頭以為包包會淆晒底食晒螺螄，點知佢又表現得好鎮定喎！仲爭住要講先，攪到我都唔知講乜好。。。


一講到媽咪就。。。包包錫返！ 唔講啦，再講真係會失守。。。

跟住坐返埋位睇獨家 ”求婚片段“，一條冇聲嘅片，睇十次都係咁好笑！！

我淨係食咗兩塊乳豬就要換衫準備敬酒啦！開頭都好正常冇咩異樣，手挽手去敬酒！

開始嚟料，包包個樣幾衰！！


醉咗！！？

呢件敬酒晚裝有個好處，就係“污”低身都唔怕走光，係我揀佢嘅其中一個原因，咁就方便好多唔使咁多顧慮啦！！

敬酒相全部都係半身，好難得有張全身相，裙尾有D黑色pattern好靚呀！！

開心嘅時光過得特別快，又係時候講bye bye！換個送客造型出嚟補影相先！呢條紫色魚尾都壓到吓台喎！！

我班表弟妹，全部都好young呢！！

自我陶醉，自己喺度介紹個DIY seating plan，勁低能！！話時話，我呢個送客LOOK都幾高貴大方吖！

最後同攝影師班crew影返張合照留念，合作愉快！！


就係咁，一個簡單而唔隆重嘅婚禮就好順利咁完成咗啦！全靠一班好好嘅兄弟姊妹幫手，仲有天公造美，仲有自己心情靚靚冇發脾氣！總括嚟講都係非常滿意非常開心非常難忘！！！多謝大家支持！！

BIG DAY之教堂註冊篇

冇早冇遲，時間啱啱好！中午到咗伯大尼，兄弟姊妹幫手整decoration，我地就有時間影相啦！嘻嘻！！




岑律師都好準時到，一嚟到就捉住我地同雙方爸爸briefing，講解完好快就正式開始行禮啦！！包包好緊張呢！


出場啦！！

包包緊張到流晒汗呀！！


我地行教堂當然係用“教堂模式”啦！岑律師首先會問：”XXX，你是否願意娶／嫁XXX為你合法妻子／丈夫。。。？”
我地就梗係答：”我願意“ 啦！！


跟住就手拖手望住對方，好深情咁宣讀誓詞，岑律師講一句，我地跟住講一句，唔使拎貓紙，好sweet呢！！"我請在場各位見證, 我XXX願以你XXX為我合法丈夫／妻子，無論環境順逆， 富裕貧窮。。。至死不渝！“
 

我地兩個都講得好順喎，之前冇睇過份誓詞又冇彩排，但都冇講錯冇食螺絲，跟住佢講好過睇住嚟讀好多！！


交換戒指，包包又問邊戴隻邊手，岑律師喺後面提水，笑屎我！！


揭頭紗啦！包包應該自己有練習過，岑律師之前都有教過佢要點揭先靚同唔會整親我，做得好好吖！叻仔！！

情深一吻～


最後嘅儀式就係簽紙啦！包包又攪錯咗佢DADDY個名，冇加到英文名喺張証書上面，所以我地當日簽嗰張係錯嘅！激死！Honeymoon返嚟先去律師樓拎返張啱嘅！！

我地March out之後又再march in，跑住入去裙甩褲甩咁好好笑！！


註冊儀式好順利咁完成咗啦！（雖然簽咗張假証書！！）喺禮堂入面影完相再出去大合照！

仲有少少時間淨，兄弟姊妹執嘢，又係我地嘅影相時間，呵呵！！超級中意呢幾張相！！

BIG DAY之接新娘篇

終於都收到Luster Angle嘅相可以打返BIG DAY當日嘅BLOG啦！！足足等咗兩個月呢。。。

晨早六點正化妝師同助手準時到達，拿拿聲開始幫我同媽咪化妝啦！

姊妹們都陸續到齊幫手準備玩新郎遊戲，睇吓D道具幾繽紛！！


大懲罰 ～ 雞精溝紅酒，真係難飲到嘔！！

化好妝就要換褂啦，著褂真係好開心呢，有種好幸福嘅感覺！


攬攬媽咪先！！

一切準備就緒，嚟張靚靚姊妹大合照！

平時班姊妹都玩得好鬼癲，睇佢地咁HIGH就知啦！！

睇睇班兄弟攪成點先，CHOK到呢。。。

仲嚟。。。


佢地一嚟到就要換造型啦！！

第一個GAME係”甜甜襪襪“，好行不過好好玩！！

矛柴！㩒低條繩比D兄弟食糖！！


第二個GAME係估婚慶賀詞～

兩個人負責做動作，限時內估唔到就要大懲罰！！

第三個GAME係“撐船仔”，寓意新郎無懼風浪勇往直前，一心一意向住新娘！睇吓包包幾努力！！


最後就係“愛的宣言”啦！！我揀嗰篇愛的宣言有13句，太長啦！講咗好耐都未講完，包包又冇節奏感，RAP唔到囉！！

扁咀都冇用啦！！已落搭，哈哈！！


包包含情眽眽咁等緊我出嚟！

接新娘成功！好少可見我的黑面神爸爸笑得咁開心！

例牌跪地送花！


KISS KISS～


好中意呢張，好sweet呢！！

出門啦～


舊式嘅屋邨影相特別有風味！

我地遲咗好多出門，好彩冇塞車，一切順利到達男家！


姊妹們又要忙住準備敬茶用品啦！


終於大功告成！！包包唔知係咪忙得滯，冇晒表情！