秋子花藝 vs Miracle Flower

我本身對花有乜興趣，去旅行唔會睇花，影pre-wedding唔會影花，最憎仲係收花添！包包由追我到而家就嚟結婚，一次花都未送過比我，求婚時都係專登揾個阿Jack嘅絲花花球唔敢用真花呀！叻仔！知我心意！所以我對BIG DAY嘅花球都冇咩特別要求，花種唔緊要，最緊要係有我中意嘅顏色，睇落順眼就得啦！

其實最初係想揀cream color，因為望落好soft好舒服，襯白紗好靚！不過媽咪話出門嗰時著褂要紅D鮮色D，咁我唔會預備兩個花球，所以唯有放棄cream color啦！
1）


唔用得cream color咁就梗係揀我最愛嘅鮮黃色啦（媽咪話要紅D不過唔理啦！）黃色 + cream都幾靚吖！好似唔係好多花係鮮黃色，我淨係知馬蹄蘭同黃玫瑰，可能有我唔識掛！

2）

如果將紫色改做紅色，唔知會點呢！？
3）

呢款好特別呀！不過花球係咪都係球狀嘅好D呢！？
4）

呢款多咗D橙色sharp 好多！
5）

黃+橙+白，sharp得嚟又唔會太誇張！橙色都幾襯褂皇吖，唔使吓吓都紅噹噹嘛！
6）

我自己short list咗兩間，就係秋子花藝同Miracle Flower，兩間都勁多好評！

秋子花藝
旺角砵蘭街366號家興樓一樓（金都商場後面）
Tel: 2380 8927
- 負責人湯生一腳踢，好多生意好多好評，花材夠新鮮，仲會送大量頭花，可以來圖跟款，價錢實優！
- Package $1298包花球，16個手花／襟花，頭花

Miracle Flower
灣仔軒尼詩道381-383號華軒商業中心22樓C室
Tel: 2147 2800
- Tailor made花球，負責人YEN好細心，會因應你嘅喜好，backdrop，婚紗，晚裝幫你設計屬於你嘅花球，仲要新娘子親自去取花球，到時會因應你嘅身高，整體官感去修改花球大小同絲帶長度
- Package $1588/ $1788/ $2088（好多花都要加錢，我睇中嗰幾款都要加$350）

由於budget問題，唔想晒咁多錢喺呢個item上面（我唔太中意花嘛），所以決定揀秋子花藝，揾個星期一至三放工去揾湯生先（佢話weekend好忙喎），希望一擊即中啦！！

場地怖置 Confirmed＠Firenze Wedding Workshop

好快又攪掂一樣嘢啦！哈哈！原先其實無預budget攪decoration，因為帝廷個場本身都OK，諗住自己求其加少少嘢就算，後尾睇睇吓個backdrop越睇越唔中意，因為我真係好憎粉紅色！同埋佢個玻璃台懶特別咁，其實有D娘，我都係中意毛毛地氈多D，踩上去舒服D，影相又靚D！同埋成晚流流長，三百幾人個個都望住個backdrop，影相又大部份都會影到，所以最後都係決定比錢人整啦！

我第一次見到紙花就好中意，簡單得嚟叫做特別少少，可以有唔同花款唔同顏色，唔同燈光照落去又會有唔同效果，無就咁拉布咁DRY！所以決定要整backdrop時諗都冇諗就confirm用紙花啦！

成幅整晒就太澎湃啦！不過呢個幾多花款都唔錯！


可以加喺foamboard上面，我好中意呀，不過有人唔LIKE呢！

呢個就太少花啦！


又可以加喺拉布上面，會平過foamboard！

雙色花GOOD吖，冇咁單調嘛！


睇咗好多間，都係覺得佢最好！因為佢整嘅紙花多花款而且夠密，又咁啱做過我個場呢，所以感覺幾好！佢就係Firenze Wedding Workshop啦！負責人叫Florence，佢好斯文好NICE，以前專幫人整紙花，而家全職做freelance攪decoration，新人係危險D，信心冇咁大，不過凡事總有開始嘅，唔比多D機會佢地又點會有咁多好嘢出到嚟呢！而且我總覺得新人係有heart D，所以我地都係決定用佢，Florence, 到時靠晒你啦！！

Florence整嘅花真係靚D呀！！

最後。。。如我所料，越整越多嘢。。。＄＄＄！埋單$4800～（已經係優惠價呢！）

1. 白色紙花約8' x 8' - $1500（雙色或其他顏色另加$500）
2. 拉布雙色 - $1300
3. 全新毛毛地氈10' x 27' - $1000
4. 1' x 3’名牌 - $500（連設計，印刷及die-cut）
5. 送射燈一組
6. 送迎賓枱，相簿枱，蛋糕枱及油畫架佈置

包人工，安裝，拆卸，清潔及運輸費用。

結婚花車 Confirmed＠1999

花車呢PART一直都係拖拖拖。。。雖然唔算係咩大item，要攪其實好快，但點解拖咁耐呢？最初好想好想租古典勞斯萊斯，佢同伯大尼簡直係絕配！再加一件超大拖尾婚紗，就係my dream wedding嘅原素啦！

諗就係咁諗啫，但一諗埋個價錢就覺得係奢侈敗家之舉！（雖然包包一見到就舉腳讚成！）問過幾間租車公司，租5個鐘最平都要六七千蚊，如果指定灰色仲要加多二千添！！租得就梗係揀灰色啦，型d grand d嘛，金色好娘紫色又唔靚！不過成九千蚊租架車坐幾個鐘，因為呢樣嘢我已經比好多朋友同事話無謂多餘on居晒錢浪費唔值。。。九千蚊差唔多夠買部iMac可以用幾年啦！於是我就單方面決定取消呢個item，求其租返架Benz算啦，三四千蚊包埋VAN，實惠好多喎！

後來又喺blogger度得知有架黄色波子可以出租做花車，我最愛嘅黃色呀！！可惜13年嘅schedule仲未confirm，等咗四五個月佢都冇覆我，算啦！我唔中意等，無緣！！

早兩日放假就捉咗包包去睇車，冇咩特別，淨係中意個車牌 - 1999！9字係我嘅lucky number，長長久久，幾有意思吖！

BENZ S500L鳳眼加長版 + 24座小巴 - $3700／8小時
包司機，公仔佈置（鬆弛熊或自備），油費
不包停車場費，隧道費，橋費


小巴得一款冇得揀，我冇咩所謂！車牌轉埋1999加＄200，唔轉啦！慳得就慳！！


長長久久1999專業租車公司
郭先生
Tel: 9162 9901/ 6067 1999
E-mail: wa1999kwok@yahoo.com.hk
地址: 太子白楊街近鴨寮街21-29號美景大厦1樓E室

Wedding To Do List - Nov

攪完間屋就要開TURBO攪返結婚嘅嘢，數吓數吓發覺原來仲有好多嘢未都攪！得返4個幾月咋，仲要夾住聖誕新年，真係冇咩時間淨！好！PLAN定十一月內要KO以下ITEMS！！！加油！！

1. 姊妹裙
2. 花球
3. Decoration for Banquet & Bethanie
4. 過大禮用品
5. 印帖
6.花車公仔

新居全面睇

嘩！原來成三個禮拜都冇寫BLOG啦！好懶好忙好攰。。。公司呢排多嘢做，weekend又忙住house warming招呼朋友同執屋，仲忙過之前攪裝修呢！！

尋日係我地入伙一個月，終於所有傢俬電器家品嘢都齊晒喇！（只係爭個掛鐘未揀到）好圓滿呀！！包包仲話感覺好得意，砌吓砌吓就砌咗間屋出嚟！好！就同大家分享吓我地努力嘅成果啦！（有部份相之前已經暴過光）

好唔抵嘅大門同好抵嘅Samgsung指紋電子鎖！個鎖真係好正！超LIKE！！大門。。。OK啦，比預期中靚嘅（唔係啡色就更好啦！）

一入門口就係廚房，原裝冇執過，係咪都好新淨呢！？因為我係”無飯老婆“唔中意入廚房，所以無謂“晒”錢喺D我唔LIKE嘅嘢度吖！雪櫃同個廢廢地嘅抽油烟機都係原裝有嘅，我地唔煎炸冇問題！洗衣機係新買的，買樓時業主已講明舊嗰部壞咗（其實就算冇壞我都唔會用啦！），金章1000轉7KG，貴嘢！！（未來99送的入伙禮物）


仲有三頭煮食爐，唔係比我用的，我只會用光波爐！

廚房隔離係廁所，原裝一面牆係全幅鏡，大愛！！望落個廁所好大！除咗保留呢幅鏡牆，其餘所有嘢都換過晒！

DDShoser無框浴屏 + Roca坐廁


42“洗手盆櫃 + 鏡櫃，又係超中意！！個個都讚靚！！我阿媽仲話咁大個，第時可以幫BB沖涼添！！


浴屏入面幅特色牆襯返洗手盆櫃，好有型吖！GROHE水龍頭 + 花洒，又靚又好用！即熱式熱水爐又係原裝的，超薄！！


睇完廚房廁所就睇大廳啦！長方型廳地方都幾見洗，裝修完之後感覺比睇樓時大，十幾人都容納到！啱晒我地中意熱鬧！哈哈！

個珍寶窗口式冷氣凍到我甩肺！真係貴得有道理！！早知唔使買兩匹啦。。。

因為全屋都係黑白灰為主（簡約型格吖嘛！）所以客廳嘅地毯（入伙禮物）同直立式風扇（HSBC贈品）都揀鮮紅色，夠SHARP嘛！OSIM按摩墊都係紅色，又係好朋友送的入伙禮物！


呢張梳化真係正到不得了！超舒服勁好坐！個個嚟坐過都話正！L位仲可以揭起放麻雀板，摺櫈等等，好實用！價錢仲。。。嘿嘿！！

46“ SONY 3D電視（未來老爺送的入伙禮物） + 迷你TV櫃，個櫃揾咗好耐先揾到，因為SIZE太細！！有冇留意到D房門同門鎖都好靚呢！都係我精心挑選的！！

梳化後面係窗台，唔係好濶不過都幾深！可以坐到兩個人對住個窗吹水都幾正！加埋毛毛毯一流！！


呢邊影返過去就係飯廳，盞燈實物靚好多呀！！有冇見到個Philips空氣清新機！？開咗之後感覺好似少D塵（唔知係咪心理作用！）呢部仲可以去埋鉀銓添！（唔知真定假！）

ZOOM近D睇吓，張飯枱太細啦！初時驚間屋細唔敢買咁大，點知送咗嚟又覺得太細唔夠用，開大咗都唔多夠！不過張枱都幾GOOD，唔易花又襟污糟！個C字櫃直頭係無得彈啦！！


個酒架好正呀！一個字 - 型！！（要保持常滿）


到主人房喇，重點介紹：地台床 + 孤型樓梯（暫時我都仲未PK！）

灰色絨布床頭板好鬼滑！我係唔會用紫色粉紅色嗰D。。。


YK衣櫃5“都OK夠用，櫃頂加咗搖控橙，夜晚臨瞓前查完面唔使起身熄燈嘛，懶到呢。。。

冇鏡嘅梳妝枱，對住個窗用自然光化妝，正！


仲有細房唔介紹啦！因為而家仲係做緊雜物房，遲D先執清佢留返嚟做BB房！（不過唔知拖到幾時先會執清呢。。。）

新居新生活

唔覺唔覺我地已經入咗伙個幾禮拜啦！因為娘家上網傻咗，新居又未裝寬頻，呢個幾星期都係忙住執屋買嘢執屋買嘢，所以冇咩時間update新居狀況！

其實我地只係搬咗好少部份嘅嘢去新屋（每人兩袋紅白藍＋一個喼加＋hand carry雜物），但唔知點解D嘢執嚟執去都執唔完！兩個大櫃同地台抺完又抺，前前後後抺咗四五次！！（突然覺得自己有少少潔癖！）

以下呢張相入面嘅嘢全部都係贈品，係咪好勁呢！！我地由籌備結婚開始就準備定，雖然當時仲未PLAN買樓，不過諗住就算租樓都有用，所以一見到有啱用嘅信用咭迎新禮品，超市換購等等優惠就會即刻安排，計計埋埋都真係慳好多呀！！
光波爐，風扇，不同SIZE嘅煲，平底穫，單頭電磁爐，熱水壺，測脂磅，枕頭等等。。。本來仲有個咖啡機，最衰自己記錯簽帳時間，過咗期冇得換！！！

由於我係殘障人仕，為免有意外發生，包包堅持自己一個抬張12“厚嘅床褥入房，最後順利完成任務！！

鋪返張靚靚床單先！靚X10000000000000000

我地一路都未買窗簾，因為冇咩靈感所以諗住入咗伙先慢慢諗慢慢揀，之前weekend訓咗兩晚都冇咩問題，但啱啱嗰幾日假期真係頂唔順，難得放長假梗係想訓晏D啦！點知日日都鬼咁好天光殘殘，唯有自制毛巾窗簾頂住先啦！！

入咗伙個幾星期都仲係有D嘢未攪掂，窗簾啦，洗衣機啦，梳化啦，地毯啦，寛頻啦。。。希望快D全部攪掂，專心攪返結婚嘅嘢！！